Posts

Showing posts from October, 2015

மாணவர்கள் மீதான தாக்குதலுக்கு எதிராக உல‌மா க‌ட்சி சிங்க‌ள‌ க‌ட்சிக‌ளுட‌ன் இணைந்து முறைப்பாடு

Image
பல்கலைக்கழக மாணவர்கள் மீது பொலிசார் நேற்று மேற்கொண்ட தாக்குதல் குறித்து உலமா கட்சி ஏற்பாட்டில் ஜாதிக பலய அமைப்பு மனித உரிமைகள் ஆணைக்குழுவில் முறைப்பாடு செய்துள்ளது. இலங்கையின் தேர்தல் ஆணையத்தால் அங்கீகரிக்கப்பட்ட பத்துக் கட்சிகள் ஒன்றிணைந்து அண்மையில் ஜாதிக பலய எனும் கூட்டமைப்பை ஏற்படுத்திக்கொண்டுள்ளன. ஜனநாயக ஐக்கிய தேசிய முன்னணியின் முன்னாள் தலைவர் ஆரியவங்ச திசாநாயக்க மற்றும் உலமா கட்சித் தலைவர் மௌலவி முபாரக் அப்துல் மஜீத் ஆகியோர் இந்த அமைப்பில் ஒருங்கிணைப்பாளர்களாக உள்ளனர்.
இந்நிலையில் தங்கள் கல்விக்கு உரிய அங்கீகாரம் வழங்கக் கோரிய பல்கலைக்கழக மாணவர்கள் மீது பொலிசார் நேற்று மேற்கொண்ட காட்டுமிராண்டித்தனமான தாக்குதலை ஜாதிக பலய வன்மையாகக் கண்டித்துள்ளது. அத்துடன் ஜாதிக பலய அமைப்பின் ஏனைய உறுப்பினர்களான சரத் மனமேந்திர, ஜயந்த குலதுங்க ஆகியோருடன் மௌலவி முபாரக் அப்துல் மஜீத் உள்ளிட்டோர் மாணவர்கள் மீதான தாக்குதல் குறித்து மனித உரிமைகள் ஆணைக்குழுவில் புகார் அளித்துள்ளனர். பொலிசாரின் அராஜகம் கட்டுப்படுத்தப்பட்டால் நல்லாட்சி என்பதற்கான அர்த்தம் கெட்டுப்போகும் என்றும் ஜாதிக பலய முக்கியஸ்தர்கள்…

பொதுபல சேனாவை பின்பற்றும் அமைச்சர் ஹரின்

Image
கால்நடை வளர்ப்பின் ஊடாக நாட்டில் பல அபிவிருத்திகள் முன்னெடுக்கப்படுகின்ற நிலையில் கால்நடைகளை இறைச்சிக்காக விற்பனை செய்வதை நான் முற்றாக தடுக்க நடவடிக்கை மேற்கொள்வேன் என அமைச்சர் பி.ஹரிசன் தெரிவித்தார். சட்டவிரோதமாக கால்நடைகளை வெட்டி விற்பனை செய்யும் நடவடிக்கைகளுக்கு சட்டரீதியாக எனது அமைச்சின் ஊடாக நடவடிக்கைகளை மேற்கொள்வேன்.  நுவரெலியா பிரதேசத்தில் போபத்தலாவ, மெனிக்பாலம மற்றும் கொட்டகலை ரொசிட்டா, போன்ற இடங்களில் உள்ள கால்நடை வளர்ப்பு பண்ணைகளுக்குநேற்று விஜயம் ஒன்றை மேற்கொண்ட கால்நடை வளர்ப்பு அமைச்சர் பி.ஹரிசன் செய்தியாளர்களுக்கு கருத்து தெரிவிக்கையிலேயே இவ்வாறு தெரிவித்தார். அவர் தொடர்ந்து தனது கருத்தில் தெரிவித்ததாவது, நுவரெலியா பிரதேசத்தில் கால்நடை வளர்ப்புக்கான சகல வளங்களும் இருக்கின்ற நிலையில் இங்கு கால்நடை வளர்ப்புகள் அருகிவருகின்றன. இது தொடர்பாக பொதுமக்கள் பல்வேறு புகார்களை எனக்கு தெரிவித்துள்ளனர். இதனை கருத்திற்கொண்டு இன்று நான் நிலைமையை ஆராய்வதற்காக விஜயத்தை மேற்கொண்டுள்ளேன். இங்கு கால்நடை வளர்ப்பு பண்ணைகளில் பல்வேறு குறைபாடுகள் காணப்படுகின்றது. இதனை நிவர்த்தி செய…

இலங்கை வருகிறார் தென்னிந்திய மார்க்க அறிஞர் PJ -

Image
தென்னிந்திய மார்க்க அறிஞர் சகோ. PJ கலந்து சிறப்பிக்கும்.

★சிங்கள மொழியில் புனித அல்-குர்ஆன் வெளியீட்டு நிகழ்வு

இன்ஷா அல்லாஹ்…..

☛ 08.11.2015 (ஞாயிற்று கிழமை)

☛ நேரம் : மாலை 4.00 மணி முதல்.

☛ இடம் : சுகததாச உள்ளக அரங்கு – கொழும்பு

அனைவரையும் அன்புடன் அழைக்கிறது ஶ்ரீ லங்கா தவ்ஹீத் ஜமாத் (SLTJ)

சிறிசேன + ரணில் அரசாங்கம், மகிந்த ராஜபக்ச பின்பற்றுகிறது"

Image
சிறிசேன-ரணில்விக்கிரமசிங்க அரசாங்கம் முன்னாள் ஜனாதிபதி மகிந்த ராஜபக்சவின் தந்திரோபாயங்களை பின்பற்றுவதாக ஜே.வி.பி நாடாளுமன்ற உறுப்பினர் பிமல்இரத்தினநாயக்க குற்றம்சாட்டியுள்ளார்.

ஆர்ப்பாட்டத்தில் ஈடுபட்ட மாணவர்கள் மீது பொலிஸார் கண்ணீர்புகைப்பிரயோகம் மற்றும் தடியடியை மேற்கொண்டது குறித்து கருத்து தெரிவிக்கையிலேயே அவர் இவ்வாறு குறிப்பிட்டுள்ளார்.

தங்களுடைய பிரச்சினைகளிற்கு தீர்வை கோரி ஆர்ப்பாட்டத்தில் ஈடுபட்ட மாணவர்கள் மீது தடியடிபிரயோகத்தை மேற்கொள்ளுமாறு உத்தரவிட்டமைக்காக அரசாங்கத்திற்கு தனது கண்டனத்தை தெரிவித்துள்ள அவர், வார்ட் பிளேசில் நேற்று இடம்பெற்ற இந்த தாக்குதல்கள் நல்லாட்சி அரசாங்கம், ஜனவரியில் மக்கள் பதவியிலிருந்து அகற்றிய அரசாங்கத்தை விட ஓன்றும் சிறந்ததல்ல என்பதை நிரூபித்துள்ளதாகவும் குறிப்பிட்டுள்ளார்.

மாணவர்கள் ஆர்ப்பாட்டத்தை ஆரம்பிப்பதற்கு முன்னர் ஜே.வி.பியின் உறுப்பினர்கள் அவர்களை சந்தித்துள்ளதாகவும் தெரிவித்துள்ள அவர், பாராளுமன்றத்தில் மாணவர்கள் மீதான தாக்குதல்கள் குறித்து கேள்வி யெழுப்பவுள்ளதாக குறிப்பிட்டுள்ளார்.

கதீப் முஅத்தின்களுக்கு அரச சம்பள திட்டம். அமைச்சர் ஹலீம்

Image
(சத்தார் எம் ஜாவித்)


இலங்கையில் உள்ள கதீப் மற்றும் முஅத்தின்கள் தற்போது மிகவும் கஷ்டமான நிலைமைகளை எதிர் கொண்டுள்ளதை கவனத்திற் கொண்டும் அவர்களி;ன் சேவைகளையும் கருத்திற் கொண்டு அவர்களுக்கு நிரந்தர சம்பளத்திட்டத்தை ஏற்படுத்த தான் திட்டமிட்டுள்ளதாகவும் அதனை ஏனைய அரச ஊழியர்கள் போன்று பள்ளிவாசல்களில் கடமையாற்றும் இவர்களுக்கு நிரந்தர சம்பளத்திட்டத்தை பாராளுமன்றத்தின் அனுமதியுடன் பெற்றுக் கொடுக்க தான் கவனம் செலுத்துவதாகவும் தபால், தபால் சேவைகள் மற்றும் முஸ்லிம் சமய விவகார அமைச்சர் எம்.எச்.ஏ. ஹலீம் தெரிவித்தார்.

கடந்த வியாழக் கிழமை (29) தனது அமைச்சில் இடம் பெற்ற ஸ்ரீ லங்கா கதீப் முஅத்தின் நலன்புரி; அமைப்பில் பதிவு செய்யப்பட்டவர்களின் நலன்கள் கருதி அமானா தக்காபுல் திட்டத்தின் மூலம் மருத்துவ மற்றும் ஏனைய உதவிகளை வழங்கி வருவதன் ஒரு கட்டமாக கடந்த ஏப்ரல் மாதம் குத்பா பிரசங்கம் செய்து கொண்டிருந்தபோது வபாத்தான உலமா கட்சியின் உப தலைவர் மர்ஹ_ம் மௌலவி லியாகத் அலி அவர்களின் குடும்பத்தாருக்கு அமானா தக்காபுல் வங்கியினால் ஐந்து இலட்சத்தி எழுபதாயிரம் (5,70,000.00) ரூபா பண உதவி வழங்கி வைக்கும் நிகழ்விலேயே அ…

ரிசாத் மீதான கல்லெறியும் ஏமாற்றப்பட்ட மக்களும்

ஏ.எச்.எம்.பூமுதீன்
அம்பாரை மாவட்டம் அட்டாளைச்சேனை பிரதேசத்திற்கு வழங்கப்படும் என்று இறுதி நேரம் வரை உறுதியளிக்கப்பட்ட முகாவின் தேசியப்பட்டடியல் புஷ்வானமாகிவிட்டது.
யானைப்பசிக்கு சோளப்பொறி என்பது போல் அட்டாளைச்Nசைனை மக்களின் 30 வருட கால தவத்திற்கு பெரும் , எதிர்பார்ப்புக்கு கிழக்கு சுகாதார அமைச்சு என்னும் பதவியை வழங்கி முகா அம்மக்களை ஏமாற்றி விட்டது.
பொதுத்தேர்தல் Nவைளயின் போது நாடுபூராகவுமுள்ள முஸ்லிம் கிராமங்களுக்கெல்லாம் சென்ற ரவூப் ஹக்கீம் தேசியப்பட்டியல் ஆசையை ஊட்டி அம்மக்களின் வாக்குகளை சூரையாட பெரும் கைங்கரியங்களை எல்லாம் மேற்கொண்டார்.
அதிலும் குறிப்பாக அட்டாளைச்சேனை பிரதேசத்திற்கு வந்த ரவூப் ஹக்கீம,; தேசியப்பட்டியல் வாக்குறுதிக்கெல்லாம் அப்பால் சென்று அட்டாளைச்சேனை ஜூம்ஆ பள்ளியில் வைத்து குர்ஆன் மீது சத்தியம் செய்தவராக அட்டாளைச்சேனைக்கான தேசியப்பட்டியல் நியமனத்தை உறுதிப்படுத்தினார்.
இதனையடுத்து அம்பாறை மாவட்டத்தில் முதற்தடவையாக களமிறங்கியிருந்த  அ.இ.ம.காவின் பக்கம் பெருவாரியாக சாய்ந்திருந்த அட்டாளைச்சேனை பிரதேசம் ஹக்கீமின் வாக்குறுதியை அடுத்து முகாவின் பக்கம் அலைமோதியது.
சுமார…

மலையக ஆசிரியர் நியமன புறக்கணிப்பு. முஸ்லிம் கட்சிகளும், ம. முஸ்லிம் கவுன்சிலுமே பொறுப்பேற்க வேண்டும்.

Image
மலையக ஆசிரியர் நியமனங்களில் முஸ்லிம்கள் புறக்கணிக்கப்படுவதற்கு பாராமன்றத்தில் அங்கம் வகிக்கும் முஸ்லிம் கட்சிகள் விட்ட மிகப்பெரிய தவறேயாகும் என உலமா கட்சித்தலைவர் கலாநிதி முபாறக் அப்துல் மஜீத் தெரிவித்தார்.
கட்சித்தலைமையகத்தில் நடை பெற்ற மௌலவி ஆசிரியர் நியமனம் சம்பந்தமாக ஆராயும் கூட்டத்திலேயே இவவாறு அவர் குறிப்பிட்டார். அவர் தொடர்ந்து குறிப்பிட்டதாவது,

2005ம் ஆண்டு வழங்கப்பட்ட மலையக ஆசிரியர் நியமனத்தின் போது இந்து மற்றும் கத்தோலிக்க பாடங்களில் சித்தியடைந்தோருக்கு மட்டுமே நியமனம் வழங்கப்படும் என வர்த்தமாணி அறிவித்தல் வெளியான போது அதனை பகிரங்கமாக கண்டித்தது உலமா கட்சி மட்டுமே. அதன் போது தற்போதைய அமைச்சர் பைசர் முஸ்தபா அவர்களின் முயற்சி காரணமாக இது விடயம் உயர் நீதிமன்றுக்கு கொண்டு செல்லப்பட்டு பின்னர் 600 ஆசிரியர்களுக்கு நியமனம் வழங்கி வைக்கப்பட்டது. இந்நியமன வழங்கலின் போது அமைச்சர் பைசர் முஸ்தபா, அமைச்சர் ஏ எச் எம் பௌசி, உலமா கட்சித்தலைவர் ஆகியோரே கலந்து கொண்டவர்கள் என்பது குறிப்பிடத்தக்க ஒன்று.

அதன் பின் மலையக முஸ்லிம் கவுன்சில் தங்களது சுய அரசியல் இலாபம் காரணமாக சில முஸ்லிம் கட்சி அமை…

அமைச்சர் ரிசாத் ஜேவிபியில் சேர்வதே வடக்கு முஸ்லிம் பிரச்சினைக்கு தீர்வு

Image
-அஸ்ரப் ஏ சமத்-
பேராதனை பல்கலைக்கழக புவியல் துறை பேராசிரியா்  சாஹூல் எச். ஹஸ்புல்லா ஆங்கில மொழி முலம் எழுதிய மீள திரும்புவதற்கு   மறுக்கப்படும் உரிமைகளும்  சவால்களும் என்ற தலைப்பில் நுால் ஒன்று (28) கொழும்பு தபாலக கேட்போா் கூடத்தில் வெளியீட்டு வைக்கப்பட்டது,  
நுாலின் முதற் பிரதியை இவ் வைபத்திற்கு  பிரதம அதிதியாக கலந்து கொண்ட ஜே.வி. பி தலைவரும்,  பாராளுமன்ற உறுப்பிணா் அநுர குமார திசாநாயக்க முசலி முன்னாள் பிரதேச சபைத் தலைவா் எஹியாவிடம் கையளித்தாா்.  நுால் விமா்சனத்தை கட்டக் கலைஞா் எஹ்யா றிசாவும், பேராதெனியா பல்கலைக்ககழகத்தின் ஆங்கிலத்துறை பேராசிரியை சிவமோகன் சிவஜோதி உரைநிகழ்த்தினாா்.  சுங்க அதிகாரி லுக்மான் உரையாற்றினாா். 
இங்கு லுக்மாணினால் 8 உறுதி மொழி வாசிக்கப்பட்டு சபைக்கு வந்திருந்தோா்களினால் நிறைவேற்றப்பட்டது.
(1) 2012 ஒக்டோபா்  10ஆம் திகதி வர்த்தமாணி அறிவித்தலை ரத்துச் செய்யதல், 
(2) 2009ஆண்டு காடுகளாக சட்ட மூலத்தில் குறிப்பிடப்பட்டுள்ள  எல்லைகளை மீள அமைத்தல் 
(3) எம்மில் காணியுரிமைக்கான உறுதிகளையும் ஆவணங்களையும் வைத்துள்ளவா்களுக்கு  சேனைப் பயிா்ச் செய்கை மற்றும் வேளான்மைக்…

அக்னி பிரவேசம் என்றழைக்கப்படும் மஜ்லீஸ் கட்சி

Image
ஆசியா கண்டத்தின், அக்னி பிரவேசம்

மு.மு.மீ. (India) பீகாரில் அரசியல் கட்சிகளை அலற வைத்த அசத்துத்தின் உவைஸி.....!! ஆசியா கண்டத்தின் அக்னி பிரவேசம் என்றழைக்கப்படும் மஜ்லீஸ் கட்சி தலைவர் பீகாரில் சூறாவளி சுற்றுப்பிரச்சாரம் செய்து வருகிறார். மராத்திய மண்ணில் பிஜேபிக்கும், சிவசேனாவுக்கும் பீதியை கொடுத்த உவைஸி பீகாரிலும் பீதியை கொடுத்துள்ளார். அசத்துத்தின் உவைஸி செல்லும் இடமெல்லாம் மக்கள் வெள்ளம் திரண்டு வருகிறது. மஜ்லீஸ் கட்சிக்கு வெற்றியோ தோல்வியோ அதுமுக்கியமல்ல, பீகாரில் பிஜேபி ஆட்சியை பிடித்தே தீர வேண்டும் என்று மோடி, அமித்ஷா உள்ளிட்ட பாஜக தலைவர்களின் தேர்தல் பிரச்சாரத்திற்கு சாட்டையடி பதில் கொடுப்பது போல் அசத்துத்தின் உவைஸி நெற்றிப்பொட்டில் அடித்தாற்போல் பதில் கொடுத்து வருகிறார். இதனால் ஆத்திரம் கொண்ட அரசியல் கட்சிகளின் வற்புறுத்தலின் பேரில் அசத்துத்தின் உவைஸி மீது காவல்துறை வழக்கு பதிவு செய்துள்ளது. அசத்துத்தின் உவைஸி கைது செய்யப்பட்டுள்ளதாக தவறான தகவல் பரவுகிறது, அசத்துத்தின் உவைஸி பிணை எடுத்துக்கொண்டு சென்று விட்டார். அவர் கைது செய்யப்படவில்லை, அணைபோட்டு தடுப்பதற்கு அசத்துத்தின்…

வை.எம்.எம்.ஏ யில் 300க்கும் மேற்பட்டோாருக்கு இலவசமாக முக்கு கண்னாடி

Image
அஸ்ரப் ஏ சமத்




வை.எம்.எம். ஏ யின் மகளிா் அமைப்பும் லயண்கழகத்தின் கண்பிரிவும் இணைந்து    தெமட்டக் கொட வை.எம்.எம்.ஏ யில் 300க்கும் மேற்பட்டோாருக்கு இலவசமாக முக்கு கண்னாடிகளை வழங்கியது.  இந் நிகழ்வில் வை.எம்.எம். ஏ தலைவி மக்கிய முசம்மில், தலைமையில் நடைபெற்றது. இந் நிகழ்வினை பாராளுமன்ற உறுப்பிணா் முஜிபு ரஹ்மான் ஆரம்பித்து வைத்தாா். இந் நிகழ்வில் லயன் அகஸ்டின் வை.எம்.எம்.ஏ  தலைவா், லயண் ரோஸ்கிலின் மற்றும் உறுப்பிணா்களும் கலந்து சிறப்பித்தனா்.

சதாம் + கடாபி - அமெரிக்க ஜனாதிபதி

Image
உலகில் அமெரிக்காவிற்கு சிம்ம சொப்பனமாக திகழ்ந்த இரு முகங்கள் காதாபியும் சதாமும் ஆவர்.
இவ்விருவரையும் அமெரிக்க திட்டமிட்டு பழிதீர்த்தது. அவ்விருவரின் மறைவிற்கு அந்த அந்த நாடுகளின் அரசியலே மாறி போனது.
சதாமின் மறைவுக்கு பிறகுதான் இராக்கில் பயங்கரவாதம் படர்ந்து பரவியது.
அது இராக்கோடு நின்றுவிடாமல் சிரியாவையும் ஏமனையும் அழித்தருக்கிறது.
கதாபியின் ஆட்சி காலத்தில் வலுவான நாடாக திகழ்ந்த லிபியா, அவரின் மறைவுக்கு பிறகு நிலைகுலைந்திருக்கிறது.
இந்த இரு தலைவர்களும் அதிகாரத்தில் நிலைத்திருந்தால் உலகில் அமைதி இன்று நீடித்திருக்கும்.
இப்படி கூறியிருப்பவர் அமெரிக்க ஜனாதிபதி தேர்தலில் தற்போதைய ஜனாதிபதியான ஒபாமாவின் கட்சியின் சார்பில் போட்டியிடும் ஹில்லாரியை எதிர்த்து போட்டியிடும் ஜனாதிபதி வேட்பாளர் ட்ரம்ப்.
சிரியாவின் சோகங்களுக்கும் இராக் மற்றும் லிபியாவின் வீழ்ச்சிக்கும் ஒபாமா மற்றும் ஹிலாரியின் திறனற்ற நிர்வாகமே காரணம் என அவர் பகிரங்கமாக குற்றம் சாட்டியுள்ளார்

மகிந்தவுக்கு எதிரிகளாக மாறும், முன்னாள் விசுவாசிகள்..!

Image
முன்னாள் ஜனாதிபதி மகிந்த ராஜபக்சவின் செயலாளர் லலித் வீரதுங்க தன் மீது சுமத்தப்பட்ட சில குற்றச்சாட்டுக்களை மகிந்த ராஜபக்ச மீது சுமத்தியுள்ளதாக காவற்துறை தரப்புத் தகவல்கள் தெரிவிக்கின்றன.
சுயாதீன தொலைக்காட்சியின் தலைவராக இருந்த ரொஸ்மண்ட் சேனாரத்ன ஜனாதிபதித் தேர்தலின் இறுதி தருணத்தில் தலைவர் பதவியில் இருந்து நீக்கப்பட்டு, கைத்தொழில் அமைச்சின் செயலாளராக இருந்த அனுர சிறிவர்தன தலைவராக நியமிக்கப்பட்டமை தொடர்பில் லலித் வீரதுங்க தகவல்களை வெளியிட்டுள்ளதாக கூறப்படுகிறது.
இது முன்னாள் ஜனாதிபதி மகிந்த ராஜபக்சவின் உத்தரவின் பேரில் மேற்கொள்ளப்பட்டதாக வீரதுங்க கூறியுள்ளார்.
ரொஸ்மண்ட் சேனாரத்ன தலைவராக இருந்த போது, மகிந்த ராஜபக்சவின் தேர்தல் பிரசார விளம்பரங்களுக்கு அதிகமான சந்தர்ப்பத்தை வழங்காத காரணத்தினால், சுயாதீன தொலைக்காட்சியின் தலைவராக அனுர சிறிவர்தனவை நியமிக்க நேர்ந்தாகவும் வீரதுங்க குறிப்பிட்டுள்ளார்.
லலித் வீரதுங்க வழங்கிய வாக்குமூலத்திற்கு அமைய முன்னாள் ஜனாதிபதி மகிந்த ராஜபக்ச, பாரதூரமான ஊழல், மோசடிகள் தொடர்பில் விசாரணை நடத்தும் ஜனாதிபதி ஆணைக்குழுவிடம் விளக்கமளித்துள்ளார்.
ஐக்கிய மக்கள் சுதந்…

அகிலம் சிறப்பு மலா் வெளியீடு

Image
அஸ்ரப் ஏ சமத்

கண்டி கலை இலக்கிய இரகசியா் மன்றத்தினால் ஏற்பாட்டில்  அகிலம் சிறப்பு  மலா் வெளியீடு (25) கண்டி திருத்துவக் கல்லுாாியிண் கூட்ட மண்டபத்தில் நடைபெற்றது. இந் நிகழ்வின்போது பிரதம அதிதி கல்வி இராஜாங்க அமைச்சா் வி.எஸ் ராதாக் கிருஸ்னடிமிருந்து மலரின் சிறப்பு பிரதியை  புரவலா் ஹாசீம் உமா் பெற்றுக் கொண்டாா். அருகில் பாராளுமன்ற உறுப்பிணா் அரவிந்தக் குமாா்.  முன்னாள் இராஜங்க அமைசச்சா் பீ.பி. தேவராஜ்  மற்றும் அகிலம் ஆசிரியா் கலாபூசனம் கே.வி. இராசமாமியும் படத்தில் காணப்படுகின்றனா்.

நல்லிணக்க சமுகத்தினை உருவாக்க எனது அமைச்சின் ஊடாக நான் பாடுபடுவேன்.- அமைச்சா் மனோ கனேசன்

Image
அஸ்ரப். ஏ. சமத்



இந்த நாட்டில் கடந்த காலத்தில் பாரிய யுத்தமொன்று ஏற்படுவதற்கு பிரதான காரணம் மொழிப் பிரச்சினையாகும். நமது நாட்டில் 10 மேற்பட்ட மொழிப் பாவணை இல்லை. இரண்டே இரண்டு மொழிகளான தமிழும் சிங்களமும் உள்ளது. இந்தப் மொழிப் பிரச்சினையை நாம் அன்றே பேசித் தீா்த்துக் கொண்டிருக்க முடியும்.  இன்று ஜெனிவா நகரத்திற்கு  எமது பிரச்சினை கள் சென்றுள்ளது.   இந்தப் பிரச்சினையின் ஒரு பகுதியாகத் தான் இரண்டு மொழி தெரிந்தவன், யட்டியந்தோடையில் பிறந்தவன் கண்டியில்  கல்வி கற்றவன்.  ஏனைய சமுகங்களோடும் நட்புறவை வளா்க்கும் ஆற்றல் என்னிடம் உள்ளது. ஜனாதிபதி மைத்திரிபால சிறிசேனவும் பிரதமரும் இன நல்லிணக்க அமைச்சினை தண்னிடம் ஒப்படைத்துள்ளனா்.  இந்த நாட்டில் இரண்டு மொழிகளும் அரசமொழிப்  பாவணையில் இருக்க வேண்டும்.  என அமைச்சா் மனோ கனேசன் தெரிவித்தாா்.

ராஜக்கிரியவையில் உள்ள மொழித் திணக்களத்தின் கூட்ட மண்டபத்தில் இன்று (26)ஆம் திகதி  568 போ் மொழிப்  பயிற்சியை முடித்து சான்றிதழ் வழங்கும் வைபவத்தில் கலந்து கொண்டு உரையாற்றும்போதே அமைச்சா் மனோ கனேசன் மேற்கண்டவாறு தெரிவித்தாா்.   இந் நிகழ்வில் அமைச்சின் செயலாளா்  பேல் வீ…

ரிசாதின் ஆதங்கமும் சம்மந்தனின் மழுப்பலும்

Image
ஏ.எச்.எம்.பூமுதீன்
வடமாகாண முஸ்லிம்கள் பலவந்தமாக வெளியேற்றப்பட்டு இந்த மாதத்துடன் 25 வருடங்கள் பூர்த்தியடைகின்றன. அகதி என்ற அவல முத்திரை குத்தப்பட்ட சமுகமாகவும் உள்நாட்டுக்குள்ளேயே 25 வருடங்களாக இடம்பெயர்ந்து வாழும் சமுகமாகவும் இந்த உலகில் இருக்கும் ஒரே ஒரு சமுகமென்றால் அது இலங்கையில் வாழும் வடமாகாண முஸ்லிம்கள் மாத்திரமே.
வடமாகாண முஸ்லிம் அகதிகளுக்காக அஸ்ரப் தொட்டு இன்று ரிசாத் பதியுதீன் வரை அயராது உழைத்து வருவதை இந்த நாடே அறியும். அதிலும் ரிசாதின் அரசியல் பிரவேசம் வடமாகாண முஸ்லிம்களி;ன் வாழ்வில் ஒரு பொற்காலம் என்றால் அதனை மறுப்பதற்கு எவரும் இல்லை. 2000ம் ஆண்டு பாராளுமன்றம் நுழைந்த ரிசாத் பதியுதீன், 2004 வரை அப்போது அவரின் கட்சித் தலைவராக இருந்த ரவூப் ஹக்கீமையும் அரச தலைவராக இருந்த ரணிலையும் வடக்கு முஸ்லிம்களின் நிம்மதியான மீள்குடியேற்றத்திற்கான எல்லா வகையான கெஞ்சுதல்களிலும் ஈடுபட்டார்.
மர்ஹூம் நூர்த்தின் மசூர் முகாவின் பிரதியமைச்சராக இருந்த அதே காலகட்டத்தில்தான் ரிசாத் பதியுதீனும் சாதாரண எம்பியாக இருந்து தனது ஆளுமையான செயற்பாட்டின் மூலம் நூறு முகாம் அதிகாரிகளென அரச நியமனமத்தை முதற்த…

மீண்டும் ஆயுதம் ஏந்தலாம்

தமிழ் மக்களின் பிரச்சினைகளுக்கு தீர்வு வழங்காவிட்டால் மீண்டும் ஆயுதப் போராட்டம் உருவெடுக்கலாம் என ஜே.வி.பி தலைவர் அநுர குமார திசாநாயக்க நேற்று பாராளுமன்றத்தில் தெரிவித்தார். தமிழ் மக்களின் பிரச்சினைகளுக்கு இந்தியாவினாலோ ஜ.நாவினாலோ தீர்வு கிடைக்காது என்று குறிப்பிட்ட அவர் சகலரதும் ஒத்துழைப்புடன் விசேட நீதிமன்றம் அமைத்து யுத்ததின் போது இடம் பெற்ற சம்பவங்கள் குறித்து ஆராய வேண்டும் என்றும் தெரிவித்தார். ஜெனீவா பிரேரணை தொடர்பான இரண்டாம் நாள் விவாதத்தில் உரையாற்றிய அவர் பயங்கரவாதத் தடைச்சட்டத்தை ரத்துச் செய்ய வேண்டும் எனவும் குறிப்பிட்டார். மேலும் கருத்துத் தெரிவித்த அவர், இங்கு பல் இன, பல் சமூக, பல் கலாசார, பல்வேறு மொழிகள் பேசும் மக்கள் வாழ்கிறார்கள். இது பல் இன நாடாகும்.இங்குள்ள பல் இனத்தன்மையை பல் சம்பிரதாயத்தை ஏற்காமல் நாட்டை முன்னேற்ற முடியாது. இன நல்லுறவை ஏற்படுத்துவன் மூலமே எம்மால் முன்னேற முடியும். இதற்காக சகல இன மத மக்களினதும் சம உரிமைகள் ஏற்கப்பட வேண்டும். ஒரு மதத்தை விட இன்னொரு மதம் உயர்வானதல்ல. மொழி கலாசார சம உரிமையை ஏற்காது இன ஒருமைப்பாட்டை ஏற்கமுடியாது. இன ஒருமைப்பாட்டை குழப்ப…

வடமாகாண முஸ்லிம்களின் மீள் குடியேற்ற தாமதம் - அமைச்சர் ரிசாதின் கையாலாகாதனமா?

Image
பலாத்காரமாக வெளியேற்றப்பட்ட வட மாகாண முஸ்லிம்களின் மீள் குடியேற்ற விடயத்தில் சந்தர்ப்பத்தை வேண்டுமென்றே தவறவிட்டு விட்டு போன பஸ்ஸ{க்கு கைகாட்டும் நிலைக்கு அம்மக்களை பிரதிநிதித்துவப்படுத்தும் அரசியல்வாதிகளின் அசமந்த போக்கே காரணம் என உலமா கட்சித்தலைவர் கலாநிதி முபாறக் அப்துல் மஜீத் தெரிவித்தார்.

வடமாகாண முஸ்லிம்களின் மீள் குடியேற்ற தாமதம் சம்பந்தமாக கட்சித்தலைமையகத்தில் நடை பெற்ற  ஆய்வு கூட்டத்திலேயே இவ்வாறு அவர் குறிப்பிட்டார். அவர் தொடர்ந்து குறிப்பிட்டதாவது,

1990ம் ஆண்டு வெளியேற்றப்பட்ட வட மாகாண முஸ்லிம்கள் தமக்கு விடிவு கிடைக்காதா என்று ஏங்கிக்கொண்டிருந்த சூழ்நிலையிலேயே 2009ம் ஆண்டு யுத்தம் முடிவுக்கு கொண்டு வரப்பட்டு அவர்களின் வாழ்வுக்கான விடிவெள்ளியும் தென்பட்டது. அந்த வேளையில் வட மாகாண முஸ்லிம்களின் பாராளுமன்ற பிரதிநிதியான அமைச்சர் ரிசாத் பதியுதீன் மிகப்பெரும் அதிகாரமிக்க அமைச்சராக இருந்தார். முன்னாள் ஜனாதிபதி மஹிந்த ராஜபக்ஷவும் அவரது சகோதரர் பெசிலும் இவரது சட்டைப்பைக்குள் எனுமளவு நெருக்கமாக இருந்தார். அத்துடன் வட மாகாண முஸ்லிம்கள் விடயத்தில் பெசில் ராஜபக்ஸ அப்பழுக்கற்ற அக்கறை க…

அல்குர்ஆன் பிரதிகளை வினியோகிக்கும் நிகழ்வில்

Image
(20 /10 /2015) ஜம்மியதுஸ் ஸபாப் நிறுவன கேட்போர் கூடத்தில், மொளலவி M.S.M.தாஸிம் தலைமையில் இடம் பெற்ற, சவூதி அரேபிய அரசாங்கத்திடமிருந்து அன்பளிப்பாக பெறப்பட்ட சுமார் 30,000 அல்குர்ஆன், மற்றும் கிதாபுகளை இலங்கையில் உள்ள மத்ரஸாக்கள், அநாதை நிலையங்கள் மற்றும் முஸ்லிம் நிறுவனங்களுக்கு வினியோகிக்கும் நிகழ்வில்  சவுதி அரேபிய பிரதி நிதி, சவுதி அரசாங்கத்திடமிருந்து அல்குர்ஆன் பிரதிகளை பெற உதவிய, புனித ஹரம் ஸரீபில் கடமையாற்றும் ஸாதிக் ஹாஜியார்  கலந்துகொண்டார். அகில இலங்கை ஜம்மியதுல் உலமா தலைவர், பொதுச்செயலாளர், முஸ்லிம் கலாசார திணைக்கள பிரதிப்பணிப்பாளர் மற்றும் நிறுவன தலைவர்கள் உற்பட பலர் கலந்து கொண்டனர்.

மஹிந்த அரசில் இல்லாத கொடுமை. மௌலவி சேட்டிபிகேட்டுகளுக்கு மறுப்பு

Image
-Inamullah Masihudeen- நல்லாட்சியில் இலங்கை முஸ்லிம் விவகாரத் திணைக்களத்தின் அத்தாட்சிகள் அங்கீகரிக்கப் படுவதில்லையாம்! முஸ்லிம் அரசியல் வாதிகள் இருக்குமிடத்தில் இருந்து இப்பொழுதே ஜனாதிபதி, பிரதமர், வெளியுறவு அமைச்சர் ஆகியோரைத் தொடர்புகொள்ளவும்..! அகில இலங்கை ஜம்மியத்துல் உலமா உடனடியாக உரிய நடவடிக்கையினை எடுக்கும் எனநம்புகின்றோம். இலங்கை முஸ்லிம் விவகாரத் திணைக்களத்தினால் அத்தாட்சிப்படுத்தப்பட்ட அறபுக்கல்லூரிகளின் சான்றிதல்களை இலங்கை வெளிவிவகார அமைச்சின் கொன்சுலார் பிரிவு அத்தாட்சிப்படுத்த மறுக்கிறது என பல பட்டதாரி மாணவர்கள் கண்கலங்கி முறையிடுகின்றார்கள். சான்றிதல்களின் மூலப்பிரதி ஆங்கிலத்தில் இருக்கவேண்டும் என வலியுறுத்தி திருப்பி அனுப்பிவிடுகின்றனர், ஜாமியாஹ் நளீமியாஹ் மற்றும் ஓரிரு நிறுவனங்களின் சான்றிதல்கள் அறபு மொழியிலும் ஆங்கிலத்திலும் இருந்த பொழுதும் அவற்றை முஸ்லிம் விவகாரத் திணைக்களம் அத்தாட்சிப்படுத்திய பின்னரும் அதனை வெளிவிவகார கொன்சுலர் பிரிவு அத்தட்சிப்படுத்த மறுக்கிறதாம். அரச திணைனைக்கலமொன்றின் முத்திரையை அல்லது அதிகாரமளிக்கப்பட்டுள்ள அதிகாரியின் கையொப்பத்தை உறு…

கொழும்பு மாநகருக்குள் மாடுகளை எடுத்து வருவது தடை -அமைச்சர் சம்பிக்க ரணவக்க

Image
யாசகர்கள் மற்றும் மாடுகளுக்கு கொழும்பில் நடமாட தடை விதிக்கப்படவுள்ளதாக அமைச்சர் சம்பிக்க ரணவக்க தெரிவித்துள்ளார்.

 கொழும்பு மாநகர சுகாதார பரிசோதகர்களுடன் அமைச்சர் சம்பிக்க ரணவக்க கலந்துரையாடல் ஒன்றை நடத்தியிருந்தார். பத்தரமுல்லையில் உள்ள அமைச்சரின் அலுவலகத்தில் இந்தக் கலந்துரையாடல் இடம்பெற்றிருந்தது. இதன்போது கருத்து வெளியிட்ட அமைச்சர் சம்பிக்க ரணவக்க,

பொதுமக்களின் எதிர்ப்பு மற்றும் அரசியல்வாதிகளின் செயற்பாடுகள் காரணமாக இந்நாட்டின் பெரும்பாலான பிரச்சினைகள் சிக்கலான நிலைமைக்குள் தள்ளப்பட்டுள்ளது. கொழும்பில் கண்டபடி சுற்றித் திரியும் மாடுகள் மற்றும் யாசகர்கள் காரணமாக கொழும்பு மாநகரின் அழகு கெட்டுப் போகின்றது.

இதனை நிவர்த்தி செய்யும் வகையில் ஆரம்ப கட்டமாக கொழும்பில் உள்ள யாசகர்களை வெளியேற்றும் நடவடிக்கை தற்போது ஆரம்பிக்கப்பட்டுள்ளது. அதனையடுத்து கொழும்பில் சுற்றித்திரியும் கட்டாக்காலி மாடுகளும் அகற்றப்படும்.

எதிர்காலத்தில் கொழும்பு மாநகருக்குள் மாடுகளை எடுத்து வருவது தடை செய்யப்படும் என்றும் அமைச்சர் சம்பிக்க ரணவக்க தெரிவித்துள்ளார்