Skip to main content

முஸ்லிம் காங்கிர‌ஸ் உறுப்பின‌ர்க‌ளிடையே மோத‌ல்.

  சமூக பற்றில்லா தவத்தை மக்கள் நிராகரித்ததன் விம்பமே இன்றைய அவரின் காட்டிக்கொடுப்புகள்  : முன்னாள் மாகாண சபை உறுப்பினரை தோலுரிக்கும் மு.கா பிரமுகர்  மாளிகைக்காடு நிருபர்  றாபிக்களும், அலி உதுமான்களும் பிறந்த வீரமிகு மண்ணான அக்கரைப்பற்றில் காட்டிக்கொடுப்பிலும், ஈனசெயலிலும் முத்திரை பதித்த ஒருவராக முன்னாள் மாகாணசபை உறுப்பினர் ஏ.எல்.எம் தவம் இருப்பது அக்கரைப்பற்று மண்ணுக்கு மட்டுமல்ல ஒட்டுமொத்த முஸ்லிங்களுக்கும் அவமானமாக உள்ளது. எச்ச சுகபோகங்களுக்காக முஸ்லிங்களையும், முஸ்லிம் நிலபுலங்களையும் காட்டிக்கொடுத்து வங்கரோத்து தனமிக்க அரசியல்வாதியாக தன்னை அடையாளப்படுத்திக்கொண்ட இவரை அம்பாறை மாவட்ட மக்கள் கடந்த காலங்களில் நிராகரித்தது போன்று இனியும் நிராகரிப்பார்கள். இவரின் பருப்பு முஸ்லிம் சமூகத்திடம் இனியும் வேகாது என ஸ்ரீலங்கா முஸ்லிம் காங்கிரசின் சார்பிலான கல்முனை மாநகரசபை உறுப்பினர் ஏ.எம். பைரூஸ் தெரிவித்தார்.  இன்று கல்முனையில் நடைபெற்ற ஊடக சந்திப்பில் கலந்துகொண்டு பேசிய அவர் மேற்கண்டவாறு தெரிவித்தார். மேலும் கருத்து தெரிவிக்கையில், ஸ்ரீலங்கா முஸ்லிம் காங்கிரசின் முன்னாள் தவிசாளர்களாக இருந்த

பிறை-1, திடல்கள்-4: காத்தான்குடியில் அதிசயம்


kattankudy beachஇர்ஷாட் ஏ. காதர்
காத்தான்குடி: இன்று ஹஜ்ஜூப் பெருநாள் உலகின் அநேகமான நாடுகளில் ஒரே தினத்தில் கொண்டாடப்பட்டு வருகிறது. “சர்வதேசப் பிறை” மார்க்க இயக்கங்களும், “உள்ளுர் பிறை” மார்க்க இயக்கங்களும் ஒருமித்தே பெருநாள் கொண்டாடும் ஓர் சந்தர்ப்பம் குறிப்பாக காத்தான்குடியில் பல வருடங்களுக்குப் பின்னர் இம்முறை ஏற்பட்டிருக்கிறது.
சர்வதேசப் பிறையின் அடிப்படையில் பெருநாள் கொண்டாடுவதே சர்வதேச ஒற்றுமையை வலியுறுத்தும் என சில மார்க்க இயக்கங்களும், உள்ளுர் பிறைப்படி பெருநாள் கொண்டாடுவதே உள்நாட்டில் ஒற்றுமையை ஏற்படுத்தும் என உள்ளுர் பிறைக்கார இயக்கங்களும் தன்பிடியை தளர்த்தாமல் தங்களது கொள்கையை முன்வைத்து வந்த நிலையில்,
இவர்களில் யார் விட்டுக்கொடுப்பாளர்கள், உண்மையாளர்கள் என்பதை மக்கள் அறிந்துகொள்ள அல்லாஹ் இம்முறை காத்தான்குடியில் ஒரே பிறையின் அடிப்படையில் பெருநாள் கொண்டாடுவதற்கு ஏற்பாடு செய்துள்ளான்.
ஆனால், தாங்களே உண்மையாளர்களாகவும், எங்களது கொள்கையே நேரானதாகவும் என தங்களை தாங்களே முதன்மைப்படுத்திக் கொள்ளும் காத்தான்குடி தௌஹீத் வாதிகளின் ஒற்றுமை, விட்டுக்கொடுப்பு, உண்மை, விசுவாசம் போன்ற இஸ்லாத்தின் அடிப்படை விடயங்கள் பெருநாள் திடலிலும் பிரிந்து சிதைந்து சென்றுவிட்டதை இன்று மக்கள் தெளிவாக உணர்ந்து கொண்டனர்.
வழமைபோலவே சர்வதேசப் பிறை இரு குழுக்களும் வேறாக தொழுதன. உள்ளுர் பிறை இரு குழுக்களும் வேறாக தொழுதன.
ஓர் பிரதேசத்துக்கு ஓர் பெருநாள் திடலே எனும் நபி வழி, சுமார் ஒரு கி.மீ. நீளம் கொண்டமைந்த காத்தான்குடி கடற்கரையில் நான்காகப் பிரிக்கப்பட்டு, நபிவழித்திடல் கேவலப்படுத்தப்பட்டிருந்ததாகவே இன்று அதிகமான பொதுமக்கள் விசனம் தெரிவிக்கின்றனர்.
ஊருக்கும் உலகுக்கும் சத்திய மார்க்கத்தையும், ஒற்றுமையையும் வலியுறுத்துவதாக தங்களைத் தாங்களே புகழ்ந்துகொள்ளும் காத்தான்குடி தௌஹீத் வாதிகளின் இத்தகைய செயற்பாடுகள் விமர்சிக்கத்தக்கதாகவே அமைகிறது.
இதைத்தான் கடந்த ரமழான் இறுதியின் போதும் எனது மற்றுமொரு ஆக்கத்தில் பெருநாள் திடல்கள் நான்காக இடம்பெற காத்தான்குடி காத்திருக்கிறது என குறிப்பிட்டிருந்தேன். அதன் உண்மையை மக்கள் இன்றைய தினம் அறிந்து கொண்டனர்.
விட்டுக்கொடுப்பு இல்லாத இந்த தௌஹீத் வாதிகளின் செயற்பாடுகள் கண்டிக்கத்தக்கது.
பிறை ஒன்று, இதைத்தான் “லோகல்” காரர்களும், இன்டர்நெஷனல் காரர்களும் சொல்லி வந்த “விஞ்ஞான” கண்டு பிடிப்பாகும். பிறை ஒன்றுக்காகவே பல மேடைகளை அமைத்து, நிரூபித்தும் வந்தனர்.
ஆனால் அதே ஒரு பிறைதான் இன்றும் காத்தான்குடிக்கு மேல் நிற்கிறது. ஆனால் கூடாரம் கலைந்து நான்கானது. அது காத்தான்குடியின் அதிசயமானது!
யுவர்காத்தான்குடிக்காக இர்ஷாட் ஏ. காதர்

Comments

Popular posts from this blog

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

இனிய நோன்பு பெருநாள் வாழ்த்துக்கள்