Tuesday, April 23, 2019

குண்டுத் தாக்குலுடன் தொடர்புடைய இருவம் ஸ்ரீலங்கா பிரஜைகளா அல்லது வெளிநாட்டவர்களா என்பது தொடர்பில் உறுதிப்படுத்த முடியாதுள்ள நிலை



சிறிலங்கா தலைநகர் கொழும்பில் நேற்றைய தினம் தற்கொலை குண்டுத் தாக்குதல்களுக்கு இலக்கான சீனாவிற்கு சொந்தமான சங்கிரிலா நட்சத்திர விடுதி தற்காலிகமாக மூடப்பட்டிருக்கின்றது.
பொலிசாரும், முப்படையினரும் மேற்கொள்ளும் விசாரணைகளுக்கு ஒத்துழைக்கும் வகையிலேயே இந்தத் தீர்மானம் எடுக்கப்பட்டுள்ளதாக சங்கிரிலா ஹோட்டல் நிர்வாகம் அறிவித்திருக்கின்றது.
கொழும்பு காலிமுகத்திடலுக்கு எதிரில் அமைந்துள்ள சீனாவிற்கு சொந்தமான சங்கரிலா ஹோட்டலில் நேற்றைய தினம் இடம்பெற்ற தற்கொலை குண்டுத் தாக்குதல்களில் இலங்கையர்கள் உட்பட அந்த ஹோட்டலில் தங்கியிருந்த 25 வெளிநாட்டவர்கள் பலியாகியதாக அறிவிக்கப்பட்டுள்ளது.
இவர்களுக்கு மேலதிகமான குறித்த ஹோட்டலில் கடமையாற்றிய ஐந்து பணியாளர்களும் கொல்லப்படடதாக சங்கிரிலா ஹோட்டல் அறிவித்துள்ளது. இதேவேளை சுற்றுலாப் பயணிகள் மற்றும் இலங்கையர்கள், பணியாளர்கள் என பலரும் காயமடைந்தும் உள்ளனர்.
இந்த நிலையில் சங்கிரிலா நட்சத்திர ஹோட்டலின் அறையொன்றில் தங்கியிருந்த இருவரே அங்கு தற்கொலை தாக்குதலை மேற்கொண்டுள்ளதாக விசேட அதிரடிப்படை உயர் அதிகாரி ஒருவர் தெரிவித்துள்ளார்.
தங்களது உடலில் பொறுத்தியிருந்த குண்டுகளை வெடிக்கச் செய்து தாக்குதல் நடத்தியிருப்பதாகவும் அவர் குறிப்பிட்டுள்ளார்.
தாக்குதலுடன் தொடர்புடைய இருவரும் 20 ஆம் திகதியிலிருந்து அந்த ஹோட்டலில் தங்கியிருந்துள்ளதோடு, ஹோட்டலில் முதலாவது தற்கொலைத் தாக்குதல் அந்த ஹோட்டல் உணவகத்தில் மேற்கொள்ளப்பட்டுள்ளதாகவும் அறிவித்துள்ளனர்.
சீ-4 என்ற மிகவு் சக்திவாய்த 25 கிலோ வெடிமருந்துகளே இந்த தாக்குதலுக்கு பயன்படுத்தப்பட்டுள்ளதாகவும் அந்த அதிகாரி குறிப்பிட்டுள்ளார்.
குறித்த தாக்குலை நடத்தியவர்களின் அறையை விமானப் படையின் குண்டு செயலிழக்கும் பிரிவினர் சோதனையிட்டுள்ளனர். இதன்போதுஇந்த அறையிலிருந்து ஐபோன் சார்ஜர்களும், சாப்பிடாத உணவுப்பொதி ஒன்றும் மீட்கப்பட்டுள்ளது.
குண்டுத் தாக்குலுடன் தொடர்புடைய இருவம் ஸ்ரீலங்கா பிரஜைகளா அல்லது வெளிநாட்டவர்களா என்பது தொடர்பில் உறுதிப்படுத்த முடியாதுள்ள நிலையில் இதுத் தொடர்பில் மேலதிக விசாரணைகள் முன்னெடுக்கப்பட்டு வருகின்றன.
இந்த நிலையில் சங்கிரி லா ஹோடடல் மீது தாக்குதல் நடத்தியதாக சந்தேகிக்கப்படும் நபர்களில் ஒருவருக்கு சொந்தமான கொழும்பு வெல்லம்பிட்டிய பிரதேசத்திலுள்ள தொழிற்சாலையொன்றும் சோதனைக்கு உட்படுத்தப்பட்டுளு்ளது.
அந்த தொழிற்சாலையில் வைத்து கைதுசெய்யப்பட்டுள்ள 9 பேர் கொழும்பு கோட்டை நீதவான் முன்னிலையில் நிறுத்தப்பட்டு எதிர்வரும் மே மாதம் ஆறாம் திகதிவரை தடுப்புக்காவலில் வைக்கப்பட்டுள்ளனர். குறித்த தொழிற்சாலையில் தொழில்புரியும் 100 க்கும் மேற்பட்ட தொழிலாளர்களிடம் மேற்கொண்ட விசாரணைகளின் பின்னர் இந்த 9 பேரும் கைதுசெய்யப்பட்டதாக பொலிசார் தெரிவித்துள்ளனர்.
குண்டு வெடிப்புச் சம்பவத்தைத் தொடர்ந்து குறித்த ஹோட்டல் வளாகம் முப்படையினரின் கட்டுப்பாட்டுக்குள் உள்ளதோடு, ஹோட்டலில் பணியாற்றும் ஊழியர்களுக்கு மறு அறிவித்தல் வரும்வரையில் விடுமுறையும் வழங்கப்பட்டுள்ளது.
இதேவேளை சினமன் கிரேன்ட் ஹோட்டலில் பலியான ஊழியர்களின் விபரங்களை அந்த ஹோட்டல் நிர்வாகம் வௌியிட்டுள்ளது.
இதற்கமைய அந்த ஹோட்டலின் சமையலறையில் பணியாற்றிய ஜீ.எம்.டி.சஞ்சீவனி, உணவு விநியோகப்பிரிவில் பணியாற்றிய, சாந்த, இப்ராஹிம் மற்றும் நிஸ்தர் ஆகியோரே உயிரிழந்துள்ளதாக ஹோட்டல் நிர்வாகம் அறிவித்துள்ளது.

No comments:

Post a Comment

காலைக்கதிர் பத்திரிகையின் பிரதம ஆசிரியர் என். வித்யாதரன் அவர்களுடன் யாழில் ஒரு இனிய மகிழ்வான மாலைப்பொழுது

உலகத் தமிழ் பண்பாட்டு இயக்கம் வடபகுதி ஊடக நண்பர்கள் வட்டத்துடன் இணைந்து அகவை அறுபதை கண்ட  மூத்த ஊடகவியலாளர், காலைக்கதிர் பத்திரிகையின் ப...