Tuesday, November 6, 2018

கம்பஹா ஆசிரியர்களுக்கு மூன்று நாள் கருத்தரங்கு

கம்பஹா ஆசிரியர்களுக்கு மூன்று நாள் கருத்தரங்கு
( மினுவாங்கொடை நிருபர் )
   கம்பஹா மாவட்டத்தில் இஸ்லாமிய கற்கைத் துறைகளில் ஈடுபட்டு வரும் ஆசிரியர்களின் கற்பித்தல் மேம்பாட்டைக் கருத்திற்கொண்டு, மூன்று நாள் இலவச வதிவிடக் கருத்தரங்கொன்றை, கம்பஹா மாவட்ட இஸ்லாமியப் பாடசாலைகளின் சம்மேளனம் ஏற்பாடு செய்துள்ளது.
   இக்கருத்தரங்கு, எதிர்வரும் 9 ஆம் திகதி வெள்ளிக்கிழமை மாலை 4 மணிக்கு ஆரம்பமாகி, தொடர்ந்தும் 10 ஆம், 11 ஆம் திகதிகளில், கல் - எளிய அலிகார் மகா வித்தியாலயத்தில் நடைபெறும்.
   கம்பஹா மாவட்டத்தைச் சேர்ந்த அரச பாடசாலைகளில் இஸ்லாம் பாடம் கற்பிக்கும் ஆசிரியர்கள், அஹதிய்யாப் பாடசாலைகள், குர்ஆன் மத்ரஸாக்களின் ஆசிரியர்கள், மெளலவிமார்கள்,  மெளலவியாக்கள் உட்பட க.பொ.த. (சா/த), (உ/த) ஆகியவற்றில் சித்தியடைந்த மாணவர்கள், இக்கருத்தரங்கில் கலந்துகொள்ள முடியும் என, ஏற்பாட்டாளர்கள் அறிவித்துள்ளனர். அத்துடன், இவர்களுக்கு தங்குமிட மற்றும் உணவு வசதிகள் இலவசமாக வழங்கப்படுமெனவும் ஏற்பாட்டாளர்கள் தெரிவித்துள்ளனர்.

No comments:

Post a Comment

பைஸர் முஸ்தபா அமைச்சர் ஹலீமிடம் அவசர வேண்டுகோள்

ஜனாதிபதித் தேர்தல் நடைபெறுவதற்கு முன்பு முஸ்லிம் விவாக, விவாகரத்துச் சட்டத் திருத்தங்கள் வரைபை பாராளுமன்றில் சமர்ப்பிக்கவும் -  பைஸர் மு...