Monday, March 12, 2018

புதிய உள்ளூராட்சி மன்றங்களின் செயற்பாடுகள் இம்மாதம் 20 இல் ஆரம்பம் ;


முதலாவது பெண் மேயர் ரோஸி கொழும்பு மா நகர சபைக்கு தலைமை


( மினுவாங்கொடை நிருபர் )


   புதிய உள்ளூராட்சி மன்றங்களின் செயற்பாடுகள்,  இம்மாதம் 20 ஆம் திகதி செவ்வாய்க்கிழமை காலை,  உத்தியோகபூர்வமாக ஆரம்பமாகுமென, மாகாண சபைகள் மற்றும்  உள்ளூராட்சி அமைச்சு அறிவித்துள்ளது. 
உள்ளூராட்சி மன்றத் தலைமை ஆணையாளர்,  இதற்குத் தேவையான அனைத்து நடவடிக்கைகளையும்  மேற்கொண்டிருப்பதாக,  அமைச்சின் செயலாளர் கமல் பத்மசிறி தெரிவித்துள்ளார்.
   உள்ளூராட்சி மன்றங்களின் முதலாவது அமர்வு, பிரதி உள்ளூராட்சி மன்ற ஆணையாளரின் பங்களிப்புடன் இடம்பெறவுள்ளது. இதன்பிரகாரம், புதிய உள்ளூராட்சி மன்றப் பிரதி நிதிகளைத்  தெளிவுபடுத்துவற்கான நடவடிக்கைகள் தற்போது மேற்கொள்ளப்பட்டுள்ளன.
   இதேவேளை, கொழும்பு மா நகர சபையின் முதலாவது கூட்ட அமர்வு, கொழும்பு -  பண்டாரநாயக்க ஞாபகார்த்த சர்வதேச மாநாட்டு மண்டபத்தில் (20) செவ்வாய்க்கிழமை காலை 9 மணிக்கு, மா நகர சபையின் முதலாவது பெண் மேயர் ரோஸி சேனாநாயக்க தலைமையில்  இடம்பெறவுள்ளது.
   இம்முறை கொழும்பு மா நகர சபையைப் பிரதி நிதிப்படுத்தும்  அங்கத்தவர்களின் எண்ணிக்கை 119 ஆக அதிகரித்துள்ளன.  அங்கத்தவர்களின் எண்ணிக்கை அதிகரித்துள்ளமையினால்,  கொழும்பு மா நகர சபையில் இதற்கான போதிய இடவசதிகள் இல்லை. எனவே,  இதற்காக புதிதாகக் கட்டிடம் ஒன்று வெகு விரைவில்  அமைக்கப்பட இருப்பதாகவும்,  மாகாண சபைகள் மற்றும்  உள்ளூராட்சி அமைச்சின் செயலாளர் கமல் பத்மசிறி மேலும் குறிப்பிட்டுள்ளார்.

No comments:

Post a Comment

முஸ்லிம் விவாக, விவாகரத்துச் சட்டம், இந்நாட்டு முஸ்லிம் பெண்களுக்கு மிகப்பெரிய அநீதியாக இருக்கிற‌தாம். பைச‌ர் முஸ்த‌பா.

        முஸ்லிம் பெண்கள் காதி நீதிபதிகளாக நியமிக்கப்படல் வேண்டும் - முன்னாள் அமைச்சர் பைஸர் முஸ்தபா    தற்போது நடைமுறையிலுள்ள முஸ்லிம...