Sunday, October 22, 2017

மினுவாங்கொடையில் "லங்கா சதொச" கிளை ஒன்று நிறுவப்படுமா ?



( மினுவாங்கொடை நிருபர் )

   மினுவாங்கொடை நகரில் "லங்கா சதொச" நிறுவனத்தின் கிளையொன்றை நிறுவ நடவடிக்கை எடுக்குமாறு, இப் பிரதேச மக்கள் கோரிக்கை விடுக்கின்றனர். 
   நீர்கொழும்பு, கட்டுநாயக்க, திவுலப்பிட்டிய, நிட்டம்புவ, கம்பஹா, ஜா-எல ஆகிய நகரங்கள், மினுவாங்கொடை நகரை அண்டிய நகரங்களாக இருப்பதால், குறித்த நகரங்களுக்கும் மினுவாங்கொடை நகரத்திற்கும் இடைப்பட்ட மக்கள், இந்நகரில் "லங்கா சதொச" ஒன்றை நிறுவும் பட்சத்தில், உச்ச பயன்களைப் பெற்றுக்கொள்வர்.
   நுகர்வோர் அத்தியவசிய உணவுப் பொருட்களை, பெருமளவில் தனியார் வர்த்தக நிறுவனங்களிலேயே கொள்வனவு செய்கின்றனர். இதற்கு பெருமளவு பணமும் தேவைப்படுகின்றது. இதனால் நடுத்தர ஏழை வர்க்கத்தினர், பொருளாதார நெருக்கடிகளுக்கு முகங்கொடுக்க வேண்டிய நிலைக்குத் தள்ளப்படுகின்றனர். 
   மினுவாங்கொடை பிரதேச எல்லையில், மூவின சமூகங்கள் செறிந்து வாழ்வதாலும், நாடளாவிய ரீதியில் 370 க்கும் மேற்பட்ட "சதொச" கிளைகளில் குறைந்த விலைகளில்  அத்தியவசிய உணவுப் பொருட்கள் விற்பனை செய்யப்பட்டு வருவதாலும், மக்கள் நலன் கருதி மினுவாங்கொடை நகரிலும் "லங்கா சதொச" கிளையொன்றை நிறுவவேண்டிய கட்டாயத் தேவை உருவாகியுள்ளது. எனவே, இது தொடர்பில் சம்பந்தப்பட்டோர், உடனடி நடவடிக்கை எடுக்க முன்வர வேண்டும் என்றும், மினுவாங்கொடை பிரதேச வாழ் மக்கள் வேண்டுகோள் விடுக்கின்றனர். 

( ஐ. ஏ. காதிர் கான் )

No comments:

Post a Comment

காலைக்கதிர் பத்திரிகையின் பிரதம ஆசிரியர் என். வித்யாதரன் அவர்களுடன் யாழில் ஒரு இனிய மகிழ்வான மாலைப்பொழுது

உலகத் தமிழ் பண்பாட்டு இயக்கம் வடபகுதி ஊடக நண்பர்கள் வட்டத்துடன் இணைந்து அகவை அறுபதை கண்ட  மூத்த ஊடகவியலாளர், காலைக்கதிர் பத்திரிகையின் ப...